ಹೃದಯಾಘಾತ ಅಂದರೆ ಏನು?

ಹೃದಯ ಸ್ನಾಯುವಿನ ಊತಕ ಸಾವು ಅಥವಾ ತೀವ್ರ ಹೃದಯ ಸ್ನಾಯುವಿನ ಊತಕ ಸಾವು ಎಂದರೆ ಹೃದಯದ ಒಂದು ಭಾಗಕ್ಕೆ ರಕ್ತ ಪೂರೈಕೆಯಲ್ಲಿ ಅಡ್ಡಿಯುಂಟಾಗಿ ಅಲ್ಲಿನ ಹೃದಯದ ಜೀವಕೋಶಗಳು ಸಾಯುವುದು ಎಂದರ್ಥ, ಇದನ್ನು ಸಾಮಾನ್ಯವಾಗಿ ಹೃದಯಾಘಾತ ಎಂದು ಕರೆಯುತ್ತಾರೆ. ಇದಕ್ಕೆ ಮುಖ್ಯ ಕಾರಣ ಸುಲಭವಾಗಿ ಘಾಸಿಗೊಳಗಾಗುವ ಅಪಧಮನಿಯ-ಕಾಠಿಣ್ಯದ ಪ್ಲೇಕ್ ಛಿದ್ರವಾಗುವುದರಿಂದ ಉಂಟಾಗುವ ಪರಿಧಮನಿಯ ಮುಚ್ಚಿಕೊಳ್ಳುವಿಕೆ. ಈ ಪ್ಲೇಕ್ ಅಪಧಮನಿಯ ಪೊರೆಯಲ್ಲಿ ಲಿಪಿಡ್‌ಗಳು (ಕೊಬ್ಬಿನಾಮ್ಲಗಳು) ಮತ್ತು ಬಿಳಿರಕ್ತಕಣಗಳ (ವಿಶೇಷವಾಗಿ ಮ್ಯಾಕ್ರೊಫೇಜ್‌ಗಳು) ಅಸ್ಥಿರ ಸಂಗ್ರಹವಾಗಿದೆ. ಇದರಿಂದ ಉಂಟಾಗುವ ರಕ್ತಕೊರತೆ ಮತ್ತು ಆಮ್ಲಜನಕದ ಕ್ಷೀಣತೆಯನ್ನು ದೀರ್ಘಕಾಲದವರೆಗೆ ಚಿಕಿತ್ಸೆ ನೀಡದೆ ಹಾಗೆ ಬಿಟ್ಟರೆ, ಹೃದಯದ ಸ್ನಾಯು ಅಂಗಾಶವು ಹಾನಿಗೊಳಗಾಗಬಹುದು ಅಥವಾ ಸಾಯಬಹುದು.

ತೀವ್ರ ಹೃದಯ ಸ್ನಾಯುವಿನ ಊತಕ ಸಾವಿನಲ್ಲಿ ಎರಡು ಪ್ರಕಾರಗಳಿವೆ :

ಟ್ರಾನ್ಸ್‌ಮುರಲ್‌ : ಇದು ಪ್ರಮುಖ ಪರಿಧಮನಿಯನ್ನು ಒಳಗೊಂಡ ಅಪಧಮನಿ-ಕಾಠಿಣ್ಯದೊಂದಿಗೆ ಸಂಬಂಧಿಸಿದೆ. ಇದನ್ನು ಮುಂಭಾಗದ, ಹಿಂಭಾಗದ ಅಥವಾ ಕೆಳಗಿನ ಎಂದು ಉಪಭಾಗಗಳಾಗಿ ವಿಂಗಡಿಸಬಹುದು. ಟ್ರಾನ್ಸ್‌ಮುರಲ್‌ ಸತ್ತ ಊತಕಗಳು ಹೃದಯ ಸ್ನಾಯುವಿನ ಸಂಪೂರ್ಣ ಪದರದಾದ್ಯಂತ ಹರಡುತ್ತವೆ ಮತ್ತು ಅವು ಸಾಮಾನ್ಯವಾಗಿ ಆ ಭಾಗದ ರಕ್ತ ಪೂರೈಕೆಯ ಸಂಪೂರ್ಣ ತಡೆಯಿಂದಾಗಿ ಉಂಟಾಗುತ್ತವೆ.

ಸಬೆಂಡೊಕಾರ್ಡಿಯಲ್ : ಇದು ಎಡ ಕುಹರ, ಕುಹರದ ನಡುತಡಿಕೆ ಅಥವಾ ತೊಟ್ಟಿನ ಸ್ನಾಯುಗಳ ಸಬೆಂಡೊಕಾರ್ಡಿಯಲ್ ಪೊರೆಯ ಒಂದು ಸಣ್ಣ ಭಾಗವನ್ನು ಒಳಗೊಳ್ಳುತ್ತದೆ. ಪರಿಧಮನಿಗಳು ಕಿರಿದಾಗುವುದರಿಂದ ರಕ್ತ ಪೂರೈಕೆಯ ಕ್ಷೀಣತೆಯಿಂದಾಗಿ ಸಬೆಂಡೊಕಾರ್ಡಿಯಲ್ ಸತ್ತ ಊತಕಗಳು ಉಂಟಾಗುತ್ತವೆ. ಸಬೆಂಡೊಕಾರ್ಡಿಯಲ್ ಭಾಗವು ಹೃದಯದ ರಕ್ತ ಪೂರೈಕೆಯಿಂದ ತುಂಬಾ ದೂರವಿರುತ್ತದೆ ಮತ್ತು ಈ ಪ್ರಕಾರದ ರೋಗಲಕ್ಷಣಕ್ಕೆ ಬೇಗನೆ ತುತ್ತಾಗುತ್ತದೆ.

ಹೃದಯ ಸ್ನಾಯುವಿನ ಊತಕ ಸಾವಿನ ರೋಗಲಕ್ಷಣಗಳು ಸಾಮಾನ್ಯವಾಗಿ ಕ್ರಮವಾಗಿ, ಕೆಲವು ನಿಮಿಷಗಳವರೆಗೆ ಮತ್ತು ವಿರಳವಾಗಿ ಕ್ಷಣಮಾತ್ರದಲ್ಲಿ ಕಂಡುಬರುತ್ತವೆ. ಎದೆ ನೋವು ತೀವ್ರ ಹೃದಯ ಸ್ನಾಯುವಿನ ಊತಕ ಸಾವಿನ ಹೆಚ್ಚು ಸಾಮಾನ್ಯ ಲಕ್ಷಣವಾಗಿದೆ ಮತ್ತು ಈ ನೋವಿನ ಸಂದರ್ಭದಲ್ಲಿ ಬಿಗಿಯಾಗಿರುವಂತೆ, ಒತ್ತಿದಂತೆ ಅಥವಾ ಹಿಸುಕಿದಂತೆ ಅನುಭವವಾಗುತ್ತದೆ. ಹೃದಯದ ಸ್ನಾಯುವಿನ ಇಸ್ಕೀಮಿಯಾದಿಂದ ರಕ್ತ ಮತ್ತು ಆಮ್ಲಜನಕ ಪೂರೈಕೆಯ ಕೊರತೆಯಿಂದ ಉಂಟಾಗುವ ಎದೆನೋವನ್ನು ಎದೆಸೆಳೆತ ಎಂದು ಕರೆಯಲಾಗುತ್ತದೆ. ನೋವು ಹೆಚ್ಚಾಗಿ ಎಡ ಬಾಹುವಿಗೆ ಹರಡುತ್ತದೆ, ಕೆಲವೊಮ್ಮೆ ಕೆಳ ದವಡೆ, ಕತ್ತು, ಬಲ ಬಾಹು, ಬೆನ್ನು ಮತ್ತು ಮೇಲುಹೊಟ್ಟೆಗೂ ಪಸರಿಸಬಹುದು, ಮೇಲುಹೊಟ್ಟೆಯಲ್ಲಿ ಇದು ಉರಿಯನ್ನು ಉಂಟುಮಾಡಬಹುದು. ಲೆವಿನ್‌ನ ಚಿಹ್ನೆ ಕಂಡುಬಂದರೆ ರೋಗಿಗಳು ಎದೆಮೂಳೆಗೆ ತಮ್ಮ ಮುಷ್ಟಿಯನ್ನು ಬಿಗಿಹಿಡಿದುಕೊಂಡು ಎದೆನೋವನ್ನು ನಿಯಂತ್ರಿಸಿಕೊಳ್ಳುತ್ತಾರೆ, ಈ ಚಿಹ್ನೆಯನ್ನು ಹೃದಯ ಸ್ನಾಯುವಿನ ಎದೆ-ನೋವಿನ ಮುನ್ಸೂಚನೆಯೆಂದು ತಿಳಿಯಲಾಗುತ್ತದೆ. ಆದರೆ ಭವಿಷ್ಯದ ವೀಕ್ಷಣೆಯ ಅಧ್ಯಯನವೊಂದು, ಇದು ಕಡಿಮೆ ಧನಾತ್ಮಕ ಮುನ್ಸೂಚನೆಯನ್ನು ಹೊಂದಿದೆಯೆಂದು ತೋರಿಸಿಕೊಟ್ಟಿದೆ.

ಉಸಿರಾಟದ ತೊಂದರೆಯು ಹೃದಯಕ್ಕೆ ಆದ ಹಾನಿಯು ಎಡ ಕುಹರದ ಪ್ರಭಾವವನ್ನು ಮಿತಿಗೊಳಿಸಿದಾಗ ಕಂಡುಬರುತ್ತದೆ, ಇದು ಎಡ ಕುಹರದ ವಿಫಲತೆ ಮತ್ತು ಶ್ವಾಸಕೋಶದ ಇಡೀಮವನ್ನು ಉಂಟುಮಾಡುತ್ತದೆ. ಇತರ ರೋಗಲಕ್ಷಣಗಳೆಂದರೆ ಡಯಾಫೊರೆಸಿಸ್ ನಿಶ್ಯಕ್ತಿ, ತಲೆಸುತ್ತುವುದು, ವಾಕರಿಕೆ, ವಾಂತಿ ಮಾಡುವುದು ಮತ್ತು ನಾಡಿ ಮಿಡಿತ. ಈ ರೋಗಲಕ್ಷಣಗಳು ಅನುವೇದನೆಯ ನರವ್ಯೂಹದಿಂದ ಕ್ಯಾಟೆಕೊಲಮೈನ್‌ಗಳ ಭಾರಿ ಹೆಚ್ಚಳದಿಂದ ಉಂಟಾಗುತ್ತವೆ, ಇದು ಹೃದಯ ಸ್ನಾಯುವಿನ ಅಪಸಾಮಾನ್ಯ ಕ್ರಿಯೆಯಿಂದ ಉಂಟಾಗುವ ರಕ್ತ-ಚಲನೆಯ ವೈಪರಿತ್ಯ ಮತ್ತು ನೋವಿಗೆ ಪ್ರತಿಯಾಗಿ ಕಂಡುಬರುತ್ತದೆ. ಹೃದಯ ಸ್ನಾಯುವಿನ ಊತಕ ಸಾವಿನಲ್ಲಿ ಪ್ರಜ್ಞೆ ಕಳೆದುಕೊಳ್ಳುವುದು,ಇದು ಅಸಮರ್ಪಕ ಮಿದುಳಿನ ವ್ಯಾಪನ ಮತ್ತು ಹೃದಯ-ಸ್ತಂಭನದಿಂದ ಉಂಟಾಗುತ್ತದೆ. ಹಠಾತ್ ಸಾವು ಇದು ಹೆಚ್ಚಾಗಿ ಕುಹರದ ಕಂಪನದಿಂದ ಉಂಟಾಗುತ್ತದೆ ಸಂಭವಿಸಬಹುದು.

ಪುರುಷರು ಮತ್ತು ಸಣ್ಣ ವಯಸ್ಸಿನ ರೋಗಿಗಳಿಗಿಂತ ಮಹಿಳೆಯರು ಮತ್ತು ವಯಸ್ಸಾದ ರೋಗಿಗಳಲ್ಲಿ ಹೆಚ್ಚಾಗಿ ವಿಲಕ್ಷಣ ರೋಗಲಕ್ಷಣಗಳು ಕಂಡುಬರುತ್ತವೆ. ಪುರುಷರಿಗೆ ಹೋಲಿಸಿದರೆ ಮಹಿಳೆಯರು ಹೆಚ್ಚು ಸಂಖ್ಯೆಯ ರೋಗಲಕ್ಷಣಗಳನ್ನು ಪ್ರಕಟಿಸುತ್ತಾರೆ.

ಸರಿಸುಮಾರು ನಾಲ್ಕನೇ ಒಂದರಷ್ಟು ಹೃದಯ ಸ್ನಾಯುವಿನ ಊತಕ ಸಾವುಗಳು ಎದೆ ನೋವು ಅಥವಾ ಯಾವುದೇ ಇತರ ರೋಗಲಕ್ಷಣಗಳಿಲ್ಲದೆ ಸದ್ದಿಲ್ಲದೆ ಸಂಭವಿಸುತ್ತವೆ. ಇವನ್ನು ನಂತರ, ಇದಕ್ಕೆ ಸಂಬಂಧಿಸಿದ ರೋಗಲಕ್ಷಣಗಳ ಹಿಂದಿನ ಮಾಹಿತಿಯಿಲ್ಲದೆಯೇ ರಕ್ತದ ಎಂಜೈಮ್‌ನ ಪರೀಕ್ಷೆ ಅಥವಾ ಶವಪರೀಕ್ಷೆಯನ್ನು ಬಳಸಿಕೊಂಡು ಇಲೆಕ್ಟ್ರೊಕಾರ್ಡಿಯೊಗ್ರ್ಯಾಮ್‌ನಲ್ಲಿ ಪತ್ತೆ ಹಚ್ಚಲಾಗುತ್ತದೆ. ಈ ರೀತಿಯ ಸದ್ದಿಲ್ಲದೆ ಸಂಭವಿಸುವ ಹೃದಯ ಸ್ನಾಯುವಿನ ಊತಕ ಸಾವುಗಳು ಸಾಮಾನ್ಯವಾಗಿ ವಯಸ್ಸಾದವರಲ್ಲಿ, ಮಧುಮೇಹವನ್ನು ಹೊಂದಿರುವ ರೋಗಿಗಳಲ್ಲಿ ಮತ್ತು ಹೃದಯ ಕಸಿ ಮಾಡುವಿಕೆಯ ನಂತರ ಕಂಡುಬರಬಹುದು, ಏಕೆಂದರೆ ದಾನಿಯ ಹೃದಯವು ಅದನ್ನು ಸ್ವೀಕರಿಸುವವರ ನರವ್ಯೂಹದಿಂದ ಸಂಪೂರ್ಣವಾಗಿ ನರಶಕ್ತಿಯನ್ನು ಪಡೆಯುವುದಿಲ್ಲ. ಮಧುಮೇಹದಲ್ಲಿ ನೋವಿನ ಪ್ರತಿಕ್ರಿಯಾರಂಭ ಮಿತಿಯಲ್ಲಿನ ವ್ಯತ್ಯಾಸಗಳು, ಸ್ವನಿಯಂತ್ರಿತ ನರವ್ಯಾಧಿ ಮತ್ತು ಮನೋವೈಜ್ಞಾನಿಕ ಅಂಶಗಳು ರೋಗಲಕ್ಷಣಗಳನ್ನು ತೋರಿಸದೆ ಇರುವುದಕ್ಕೆ ಸಂಭಾವ್ಯ ಕಾರಣಗಳಾಗಿರಬಹುದೆಂದು ಹೇಳಲಾಗಿದೆ.

ಹೃದಯದ ರಕ್ತದ ಹರಿವಿನ ಹಠಾತ್ ಅಡ್ಡಿಗೆ ಹೊಂದಿಕೊಂಡಿರುವ ಯಾವುದೇ ರೋಗಲಕ್ಷಣಗಳನ್ನು ತೀವ್ರ ಪರಿಧಮನಿಯ ರೋಗಲಕ್ಷಣವೆಂದು ಕರೆಯಲಾಗುತ್ತದೆ.

ಹೃದಯಾಘಾತ ಪ್ರಮಾಣವು ತೀವ್ರ ಪರಿಶ್ರಮದೊಂದಿಗೆ ಸಂಬಂಧಿಸಿರುತ್ತದೆ, ಅದು ಮಾನಸಿಕ ಒತ್ತಡ ಅಥವಾ ದೈಹಿಕ ಪರಿಶ್ರಮ ಯಾವುದೇ ಆಗಿರಲಿ, ವಿಶೇಷವಾಗಿ ಪರಿಶ್ರಮವು ವ್ಯಕ್ತಿಯು ಸಾಮಾನ್ಯವಾಗಿ ನಿರ್ವಹಿಸುವುದಕ್ಕಿಂತ ಹೆಚ್ಚು ತೀವ್ರವಾಗಿದ್ದರೆ. ಪರಿಮಾಣಾತ್ಮಕವಾಗಿ, ದೈಹಿಕವಾಗಿ ಗಟ್ಟಿಮುಟ್ಟಾಗಿರುವ ವ್ಯಕ್ತಿಗಳಲ್ಲಿ ತೀವ್ರವಾದ ವ್ಯಾಯಾಮ ಮತ್ತು ಅನಂತರದ ಚೇತರಿಕೆಯ ಅವಧಿಯು ೬-ಪಟ್ಟು ಹೆಚ್ಚು ಹೃದಯ ಸ್ನಾಯುವಿನ ಊತಕ ಸಾವು ಕಂಡುಬರಲು ಕಾರಣವಾಗಿರುತ್ತದೆ. ಉತ್ತಮ ದೈಹಿಕ ಸ್ಥಿತಿಯನ್ನು ಹೊಂದಿರದವರಲ್ಲಿ ಈ ತೀವ್ರ ವ್ಯಾಯಾಮ ಮಾಡಿದ ನಂತರದ ಚೇತರಿಕೆಯು ಅವಧಿಯು ಸುಮಾರು ೩೫-ಪಟ್ಟು ಹೆಚ್ಚಿನ ಸಂಭವವನ್ನು ಹೊಂದಿರುತ್ತದೆ. ಇದಕ್ಕೆ ವೀಕ್ಷಿಸಲಾದ ಒಂದು ಕಾರಣವೆಂದರೆ ಪ್ರತಿ ಹೃದಯ ಬಡಿತಕ್ಕೆ ಅಪಧಮನಿಗಳ ಸಂಕೋಚನ ಮತ್ತು ವಿಕಸನವನ್ನು ಉಂಟುಮಾಡುವ ಅಪಧಮನಿಯ ಮಿಡಿತದ ಒತ್ತಡವು ಅತಿ ಹೆಚ್ಚಾಗುವುದು. ಇದು ನಾಳದೊಳಗಿನ ಶ್ರವಣಾತೀತ ಧ್ವನಿಯಲ್ಲಿ ವೀಕ್ಷಿಸಲಾದಂತೆ, ಅತೆರೋಮದಲ್ಲಿ ‘ಒಡೆಯುವ ಒತ್ತಡ’ವನ್ನು ಮತ್ತು ಪ್ಲೇಕ್ ಅಪಧಮನಿಯ ಭಿತ್ತಿಯ ಮೇಲಿನ ತಂತುಯುಕ್ತ ಕೊಬ್ಬಿನ ಶೇಖರಣೆ, ಛಿದ್ರವನ್ನು ಹೆಚ್ಚಿಸುತ್ತದೆ.

ಹೃದಯಾಘಾತವು ಬೆಳಿಗ್ಗೆ ಹೊತ್ತಿನಲ್ಲಿ ಅದೂ ಸುಮಾರು ೯ ಗಂಟೆಯ ಹೊತ್ತಿಗೆ ಹೆಚ್ಚಾಗಿ ಸಂಭವಿಸುತ್ತದೆ ಎಂಬುದಕ್ಕೆ ಒಂದು ಒಮ್ಮತವಿದೆ. ಕಿರುಬಿಲ್ಲೆಗಳ ಒಟ್ಟುಗೂಡುವ ಸಾಮರ್ಥ್ಯವು ದೈನಂದಿನ ಚಟುವಟಿಕೆಯ ಆಧಾರದಲ್ಲಿ ವ್ಯತ್ಯಾಸಗೊಳ್ಳುತ್ತದೆ, ಆದರೂ ಅವನ್ನು ಕಾರಣವೆಂದು ಹೇಳಲಾಗಿಲ್ಲವೆಂದು ಕೆಲವು ಪರೀಕ್ಷಕರು ಸೂಚಿಸಿದ್ದಾರೆ.

ಧನ್ಯವಾದಗಳು.