in

ಇಂದಿನಿಂದ ಶುರು ನವದುರ್ಗೆಯರ ಪೂಜೆ

ಶುರು ನವದುರ್ಗೆಯರ ಪೂಜೆ
ಶುರು ನವದುರ್ಗೆಯರ ಪೂಜೆ

ಇಂದಿನಿಂದ ಶುರುವಾಗಲಿದೆ ನವರಾತ್ರಿಯ ಸಂಭ್ರಮ. ನವದುರ್ಗೆಯರ ಆರಾಧನೆ. ದುರ್ಗೆಯ ಆಯುಧಗಳ ಶಕ್ತಿ ಮತ್ತು ಆಚರಣೆಯ ಕೆಲವು ಸೂತ್ರಗಳನ್ನು ತಿಳಿಯೋಣ.

ಹಿಂದೂಗಳಿಗೆ ಅತ್ಯಂತ ಶುಭಕರ ದಿನಗಳಲ್ಲಿ ನವರಾತ್ರಿ ಬಹಳ ಪ್ರಾಮುಖ್ಯತೆ ವಹಿಸುತ್ತದೆ. ನವರಾತ್ರಿ ಒಂಬತ್ತು ದಿನಗಳ ಸುದೀರ್ಘ ಹಬ್ಬ. ಶುಭ ಕಾರ್ಯಗಳಿಗೆ ನಾಂದಿಹಾಡಲು ಇದು ಸುಸಮಯ. ಈ ಹಬ್ಬದಲ್ಲಿ ಒಂಬತ್ತು ದಿನಗಳ ಕಾಲ ದುರ್ಗಾ ದೇವಿಯ ಒಂಬತ್ತು ಅವತಾರಗಳನ್ನು ಪೂಜಿಸುವುದರಿಂದ ಸುಖ, ಶಾಂತಿ ಸಮೃದ್ಧಿ ನೆಲೆಸುತ್ತದೆ ಎಂಬ ನಂಬಿಕೆ ಇದೆ. ಒಂದು ವರ್ಷದಲ್ಲಿ ಬರುವ ಎಲ್ಲಾ ಐದು ನವರಾತ್ರಿಗಳಲ್ಲಿ (ಚೈತ್ರ, ಆಶಾಢ, ಅಶ್ವಿನಿ, ಪೌಶ್ ಮತ್ತು ಮಾಘ) ಶರದ್ ನವರಾತ್ರಿ ಅತ್ಯಂತ ಫಲಫ್ರದ, ಶುಭ ಎಂದು ಹೇಳಲಾಗುತ್ತದೆ. ಈ ಹಬ್ಬ ಕೆಡುಕಿನ ಮೇಲೆ ಒಳ್ಳೆಯದಕ್ಕೆ ವಿಜಯವನ್ನು ಸೂಚಿಸುತ್ತದೆ.

ಹಿಂದೂ ಧರ್ಮದಲ್ಲಿ, ಸ್ವಸ್ತಿಕ್ ಚಿಹ್ನೆಯು ಕಲ್ಯಾಣ ಮತ್ತು ಮಂಗಳಕ್ಕೆ ಸಂಬಂಧಿಸಿದೆ, ಆದ್ದರಿಂದ ನವರಾತ್ರಿಯ ಮೊದಲ ದಿನದಂದು, ನೀವು ಮನೆಯ ಮುಖ್ಯ ದ್ವಾರದ ಬಲ ಮತ್ತು ಎಡ ಬದಿಗಳಲ್ಲಿ ಅರಿಶಿನ ಮತ್ತು ಸುಣ್ಣದಿಂದ ಸ್ವಸ್ತಿಕ್ ಚಿಹ್ನೆಯನ್ನು ಮಾಡಬೇಕು. ಹೀಗೆ ಮಾಡುವುದರಿಂದ ನಿಮ್ಮ ಮನೆಯ ಕಡೆಗೆ ಮಂಗಳವನ್ನು ಆಕರ್ಷಿಸುತ್ತೀರಿ ಮತ್ತು ಎಲ್ಲವೂ ಮಂಗಳಕರವಾಗಿರುತ್ತದೆ.

ಪ್ರತಿನಿತ್ಯ ಮನೆಯಲ್ಲಿರುವ ಹೆಣ್ಣು ಮಗುವಿನ ಪಾದಪೂಜೆ ಮಾಡಿ. ದ್ವಾಪರದಲ್ಲಿ ಈ ಸಂಪ್ರದಾಯವನ್ನು ಶ್ರೀ ಕೃಷ್ಣನು ಶ್ರೀ ರಾಧಾ ರಾಣಿಯನ್ನು ಮೆಚ್ಚಿಸಲು ಪ್ರಾರಂಭಿಸಿದರು. ನವರಾತ್ರಿಯ ಸಮಯದಲ್ಲಿ, ಮನೆಯ ಮಹಿಳೆಯರು ಮತ್ತು ಹೆಣ್ಣುಮಕ್ಕನ್ನು ಪೂಜಿಸಬೇಕು.

ನವರಾತ್ರಿಯ ಒಂಬತ್ತು ದಿನಗಳಲ್ಲಿ ದುರ್ಗಾದೇವಿಯ ಒಂಬತ್ತು ರೂಪಗಳನ್ನು ಪೂಜಿಸಲಾಗುತ್ತದೆ ಮತ್ತು ಈ ಹಬ್ಬವನ್ನು ದೇಶದಾದ್ಯಂತ ಆಚರಿಸಲಾಗುತ್ತದೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ ದುರ್ಗಾ ದೇವಿಯನ್ನು ಅತ್ಯಂತ ಶಕ್ತಿಶಾಲಿ ದೇವತೆ ಎಂದು ಪರಿಗಣಿಸಲಾಗಿದೆ.

ದೇವಿಯ ಹತ್ತು ತೋಳುಗಳಲ್ಲಿ ಆಯುಧಗಳಿವೆ ಮತ್ತು ಈ ಆಯುಧಗಳಿಂದ ದುರ್ಗಾ ಮಾತೆಯು ತನ್ನ ಭಕ್ತರನ್ನು ದುಷ್ಟ ಶಕ್ತಿಗಳಿಂದ ರಕ್ಷಿಸುತ್ತಾಳೆ ಎಂದು ನಂಬಲಾಗಿದೆ. ಈ ವರ್ಷ, ನವರಾತ್ರಿಯ ಆಚರಣೆಯು ಸೆಪ್ಟೆಂಬರ್ 26 ರಂದು ಪ್ರಾರಂಭವಾಗಿ ಅಕ್ಟೋಬರ್ 5 ರಂದು ಕೊನೆಗೊಳ್ಳಲಿದೆ. ತಾಯಿ ದುರ್ಗೆಯ ಆಯುಧಗಳ ಮಹತ್ವ ಹೀಗಿದೆ.

ಇಂದಿನಿಂದ ಶುರು ನವದುರ್ಗೆಯರ ಪೂಜೆ
ದುರ್ಗಾದೇವಿಯ ಒಂಬತ್ತು ರೂಪ

ಶಂಖ : ಬ್ರಹ್ಮಾಂಡವು ಸೃಷ್ಟಿಯಾದಾಗ ಶಂಖವು ಮೊದಲು ಹುಟ್ಟಿಕೊಂಡಿತು. ಆ ಸಮಯದಲ್ಲಿ ಶಂಖದಿಂದ ಮೊದಲು ಹೊರಹೊಮ್ಮಿದ ಶಬ್ಧವೇ ಓಂ. ಶಂಖವನ್ನು ಹಿಂದೂ ಧರ್ಮದಲ್ಲಿ ಹೆಚ್ಚಿನ ಸಂದರ್ಭಗಳಲ್ಲಿ ಬಳಸಲಾಗುತ್ತದೆ.

ಹಾವು : ದುರ್ಗಾ ದೇವಿಯ ಹತ್ತು ಕೈಗಳಲ್ಲಿ ಒಂದು ಕೈ ಖಾಲಿ ಇರುತ್ತದೆ. ಆ ಕೈಯಿಂದ ಭಕ್ತರಿಗೆ ಆಶೀರ್ವಾದ ಮಾಡುತ್ತಾಳೆ ಎಂದು ಹೇಳಲಾಗುತ್ತದೆ. ಮಹಿಷಾಸುರನನ್ನು ಸಂಹರಿಸಲು ಆಕೆ ಅದೇ ಕೈಯಲ್ಲಿ ತ್ರಿಶೂಲವನ್ನೂ ಕೂಡ ಹಿಡಿದಿದ್ದಾಳೆ. ಹತ್ತನೇ ಕೈಯಲ್ಲಿ ದುರ್ಗೆ ಹಾವನ್ನು ಹಿಡಿದಿದ್ದಾಳೆ. ಹಾವು ಯಾವಾಗಲೂ ಶಿವನ ಕೊರಳಲ್ಲಿ ಇರುತ್ತದೆ

ತ್ರಿಶೂಲ : ತ್ರಿಶೂಲವನ್ನು ಶಿವನು ದುರ್ಗಾದೇವಿಗೆ ನೀಡಿದನೆಂದು ನಂಬಲಾಗಿದೆ. ಅದರ ಮೂರು ಚೂಪಾದ ತುದಿಗಳು ಅಥವಾ ಭೂಮಿಯ ಮೇಲಿನ ಪ್ರತಿಯೊಂದು ಜೀವಿಗಳ ಮೂರು ಗುಣಲಕ್ಷಣಗಳ ಸಂಕೇತವಾಗಿದೆ.

ಈಟಿ : ಈಟಿಯು ಮಂಗಳಕರ ಸಂಕೇತವಾಗಿದೆ, ಇದು ಉರಿಯುತ್ತಿರುವ ಶಕ್ತಿಯನ್ನು ಸಹ ಪ್ರತಿನಿಧಿಸುತ್ತದೆ. ಇದು ಸರಿ ಮತ್ತು ತಪ್ಪು ಕಾರ್ಯಗಳ ನಡುವಿನ ವ್ಯತ್ಯಾಸವನ್ನು ತಿಳಿದಿದೆ.

ಸುದರ್ಶನ ಚಕ್ರ : ಶ್ರೀಕೃಷ್ಣನು ದುರ್ಗಾ ದೇವಿಗೆ ಸುದರ್ಶನ ಚಕ್ರವನ್ನು ಉಡುಗೊರೆಯಾಗಿ ನೀಡಿದ್ದಾನೆ. ಪ್ರಪಂಚವು ದೇವತೆಯಿಂದ ನಿಯಂತ್ರಿಸಲ್ಪಡುತ್ತದೆ ಮತ್ತು ಬ್ರಹ್ಮಾಂಡವು ಸೃಷ್ಟಿಯ ಕೇಂದ್ರದ ಸುತ್ತ ಸುತ್ತುತ್ತದೆ ಎಂದು ಇದು ಸಂಕೇತಿಸುತ್ತದೆ. ಚಕ್ರವು ಜೀವಿತಾವಧಿಯನ್ನು ಪ್ರತಿನಿಧಿಸುತ್ತದೆ. ಅದು ನಾವು ಎಷ್ಟು ಸಮಯ ಬದುಕಿರುತ್ತೇವೋ ಅಷ್ಟು ಸಮಯ ನಮ್ಮ ದೇಹದಲ್ಲಿ ಸುತ್ತುತ್ತದೆ. ಚಕ್ರವು ನಮಗೆ ಸಮಯ ಎಲ್ಲವನ್ನು ನಾಶ ಮಾಡುತ್ತದೆ ಎನ್ನುವುದನ್ನು ತಿಳಿಸುತ್ತದೆ. ಆಂತರಿಕ ಜಾಗೃತಿಯನ್ನು ಮುಡಿಸುವಲ್ಲಿ ಚಕ್ರ ಪ್ರಮುಖ ಪಾತ್ರವನ್ನು ವಹಿಸಿದೆ. ಭಗವಾನ್‌ ವಿಷ್ಣು ತಾಯಿ ದುರ್ಗೆಗೆ ಉಡುಗೊರೆಯಾಗಿ ನೀಡಿದ ಸುದರ್ಶನ ಚಕ್ರವು ಸೃಷ್ಟಿಯ ಕೇಂದ್ರವನ್ನು ಸಂಕೇತಿಸುತ್ತದೆ. ದುರ್ಗಾದೇವಿಗೆ ನಿಷ್ಟ, ಭಕ್ತಿ ಮತ್ತು ಪ್ರೀತಿಯನ್ನು ಪ್ರದರ್ಶಿಸಲು ಚಕ್ರವು ಮನುಷ್ಯರನ್ನು ಪ್ರೇರೇಪಿಸುತ್ತದೆ.

ಬಿಲ್ಲು ಮತ್ತು ಬಾಣ : ಇದು ವಾಯುವಿನ ಅಸ್ತ್ರವಾಗಿದ್ದು, ವಾಯು ತನ್ನ ಅಸ್ತ್ರವನ್ನು ದುರ್ಗೆಗೆ ನೀಡುತ್ತಾನೆ. ಅನಾದಿಕಾಲದಿಂದಲೂ ಬಿಲ್ಲ ಮತ್ತು ಬಾಣವನ್ನು ಪ್ರಮುಖ ಶಸ್ತ್ರಾಸ್ತ್ರವನ್ನಾಗಿ ಬಳಸಲಾಗುತ್ತದೆ. ದೇವರುಗಳು, ರಾಜರುಗಳು ಯುದ್ಧದ ಸಮಯದಲ್ಲಿ ಬಿಲ್ಲು, ಬಾಣಗಳನ್ನು ಬಳಸುತ್ತಿದ್ದರು.

ಕಮಲ : ಕಮಲವನ್ನು ಜ್ಞಾನವನ್ನು ಪ್ರತಿನಿಧಿಸುವ ಬ್ರಹ್ಮ ದೇವರ ಸಂಕೇತವೆಂದು ಪರಿಗಣಿಸಲಾಗಿದೆ. ಅರ್ಧ ಅರಳಿದ ಕಮಲವು ಮಾನವನ ಮನಸ್ಸಿನಲ್ಲಿ ಆಧ್ಯಾತ್ಮಿಕ ಪ್ರಜ್ಞೆಯ ಉದಯದ ಸಂಕೇತವಾಗಿದೆ.

ವಜ್ರ : ಇಂದ್ರದೇವನ ಉಡುಗೊರೆ ವಜ್ರವು ಆತ್ಮದ ಪರಿಶ್ರಮ ಮತ್ತು ಕಷ್ಟವನ್ನು ಪರಿಹರಿಸುವ ಶಕ್ತಿಯ ಸಂಕೇತವಾಗಿದೆ. ದುರ್ಗಾ ಮಾತೆಯು ತನ್ನ ಭಕ್ತರನ್ನು ಅದಮ್ಯ ಆತ್ಮವಿಶ್ವಾಸ ಮತ್ತು ಇಚ್ಛಾ ಶಕ್ತಿಯಿಂದ ಬಲಶಾಲಿಯಾಗುತ್ತಾಳೆ.

ಖಡ್ಗ : ಖಡ್ಗ ನಕಾರಾತ್ಮಕ ಶಕ್ತಿಯನ್ನು ಹೊಡೆದೋಡಿಸುವ ಶಕ್ತಿ ಇರುತ್ತದೆ. ಹಾಗೆಯೇ ನಮ್ಮ ಮನಸ್ಸಿನಲ್ಲಿರುವ ಕೆಟ್ಟ ಆಲೋಚನೆಗಳನ್ನು ಕೂಡ ಆಕೆ ನಾಶಪಡಿಸುತ್ತಾಳೆ ಎನ್ನುವ ನಂಬಿಕೆ.

ಇಂದಿನಿಂದ ಶುರು ನವದುರ್ಗೆಯರ ಪೂಜೆ
ನವರಾತ್ರಿಯ ಪೂಜೆ

ನವರಾತ್ರಿಯಲ್ಲಿ ನೀವು ಹವನ-ಪೂಜೆಯನ್ನು ಮಾಡಿದರೆ, ಅಗ್ನಿಯ ಸ್ಥಳವಾಗಿರುವುದರಿಂದ ನೀವು ಅದನ್ನು ಆಗ್ನೇಯ ಕೋನದಲ್ಲಿ ಮಾಡಬೇಕು. ನವರಾತ್ರಿಯಂದು ನೀವು ಏಕಶಿಲಾ ದೀಪವನ್ನು ಬೆಳಗಿಸಿದರೆ, ನೀವು ಅದನ್ನು ಈ ದಿಕ್ಕಿನಲ್ಲಿ ಬೆಳಗಿಸಬೇಕು.

ನವರಾತ್ರಿಯಲ್ಲಿ ಪ್ರತಿದಿನ ತುಳಸಿ ಗಿಡದಲ್ಲಿ ತುಪ್ಪದ ದೀಪವನ್ನು ಹಚ್ಚಬೇಕು, ಅದು ಮನೆಯಲ್ಲಿನ ತೊಂದರೆಗಳನ್ನು ನಿವಾರಿಸುತ್ತದೆ ಮತ್ತು ವೈವಾಹಿಕ ಜೀವನದಲ್ಲಿ ಸಂತೋಷ ಉಳಿಯುತ್ತದೆ.

ಧನ್ಯವಾದಗಳು.

What do you think?

ನಿಮ್ಮದೊಂದು ಉತ್ತರ

ನಿಮ್ಮ ಮಿಂಚೆ ವಿಳಾಸ ಎಲ್ಲೂ ಪ್ರಕಟವಾಗುವುದಿಲ್ಲ.

ನಂದಿಬಟ್ಟಲು ಹೂ

ನಂದಿಬಟ್ಟಲು ಹೂವಿನಲ್ಲಿ ಕೂಡಾ ಆರೋಗ್ಯ ಅಡಗಿದೆ

ಗಂಜಿ ಊಟ

ಗಂಜಿ ಊಟದ ಲಾಭಗಳು ಹಲವು